خلقه زما

خلقه زما د زړه قرار راولئ
ما له د تورو جامو یار راولئ

جانان زما د زړه ټکور دی
هم مې د دواړو سترګو تور دی
ما سوزوي مینه یې اور دی
اوس مې په خیال او فکر خور دی
زما ژوندون ته نوبهار راولئ
ما له د تورو جامو یار راولئ

زما جانان زما ارمان دی
هیڅ نه هیریږي په ما ګران دی
زما د مینې قدردان دی
زما په سر لکه اسمان دی
زما خیالونو ته شینګار راولئ
ما له د تورو جامو یار راولئ

مینه کوي ډیر مینه وال دی
ځکه ورکړی خدای کمال دی
مئين په حسن په جمال دی
زما ځیګر زما همخیال دی
ما له زما وصال فنکار راولئ
ما له د تورو جامو یار راولئ

Pin It on Pinterest

da_DAدری